Qaytarish

Mijoz mahsulotni olib kelganda Qaytarish bilan ijarani yopasiz yoki qisman yopasiz. Ilova shikast, yoʻqotish, chegirma va zalogni oʻzi hisobga oladi.

1. Ijarani toping

Pastdagi Qaytarish tugmasini bosing. Faol ijaralar · N roʻyxati chiqadi.

Topish usullari:

• Telefon, ism, ijara raqami yoki kod maydoniga yozing;
• QR yoki shtrix-kodni skanerlash tugmasi bilan mahsulot yorligʻini skanerlang. Mahsulot ijarada boʻlmasa, "{kod} hozir ijarada emas" deydi;
• tugmalar bilan saralang: Hammasi · N, Bugun qaytariladi · N, Muddati oʻtgan · N.

Hech narsa topilmasa: "Faol ijara topilmadi — raqamni tekshiring yoki QR kodni skanerlang".

Ijara qatorini bossangiz, qaytarish ekrani ochiladi.

2. Qaytarilayotgan mahsulotlarni belgilang

Mahsulotlar boʻlimida har bir mahsulotning yonida belgi (galochka) bor. Bugun qaytarilayotganlarini belgilang.

Qisman qaytarish. Miqdor boʻyicha mahsulotda Qaytarilmoqda maydonidagi − va + bilan nechtasi qaytayotganini kiriting. Qolgani mijozda qoladi: "N dona mijozda qoladi". Ijara ochiq qoladi va qolgan mahsulotlar uchun haq hisoblanishda davom etadi. Avval toʻliq qaytarilgan qatorlar yashiriladi ("N ta qator avval toʻliq qaytarilgan").

Holati. Har bir qaytayotgan mahsulot uchun tanlang:

Holat	Nima boʻladi
Yaxshi	Mahsulot yana Boʻsh boʻladi
Shikastlangan	Mahsulot uchun Taʼmir doskasida karta avtomatik ochiladi: "Taʼmir kartasi avtomatik ochiladi". Ijaraga berish uchun taʼmirdan chiqishi kerak
Yoʻqolgan	Mahsulot yoʻqolgan deb hisobdan chiqadi va mahsulotda belgilangan "Yoʻqotilganda toʻlov" ijara hisobiga qoʻshiladi: "Yoʻqotilganda toʻlov: …"

3. Hisobni tekshiring

Hisob boʻlimi pulni koʻrsatadi:

• Ijara haqi (bugungacha) — hisoblangan ijara haqi;
• Qoʻshimcha toʻlovlar — yetkazib berish, tozalash kabi qoʻshimchalar;
• Chegirma — xohlasangiz, chegirma summasini kiriting. U qarzdan oshmaydi: "Chegirma qarzdan oshmaydi: maks. …";
• Toʻlangan — mijoz oldin toʻlagan summa;
• Zalogdan — qarzga oʻtkazilgan zalog;
• Hozir toʻlanmoqda — shu daqiqada mijozdan olinayotgan pul.

Pastida natija: Qarz qoladi, Ortiqcha (mijoz koʻp toʻlagan) yoki Toʻliq toʻlandi.

4. Zalog

Ijarada zalog boʻlsa, Zalog boʻlimi chiqadi:

• Pul zalog: Mijozga qaytarish yoki Qarzga oʻtkazish ni tanlang. Qarzga oʻtkazsangiz, zalog summasi mijozning qarzidan ayriladi.
• Hujjat zalog ("Hujjat · Pasport AA1234567"): "Hujjat mijozga qaytariladi".

Hamma mahsulot qaytmaguncha zalog saqlanadi: "Hamma mahsulot qaytmaguncha zalog saqlanadi".

5. Toʻlov va tasdiqlash

Mijoz qarzni hozir toʻlasa, Toʻlov boʻlimida Summa ni kiriting (yoki Qarzni toʻliq tugmasini bosing) va usulni tanlang: Naqd, Karta, Oʻtkazma, Click, Payme.

Hammasi tayyor boʻlsa, Tasdiqlash ni bosing. Hech narsa belgilanmagan boʻlsa, tugmada Mahsulot belgilang yozilgan boʻladi.

Diqqat

Ilovada tasdiqlangan qaytarishni bekor qilish tugmasi yoʻq. Holat, chegirma va zalogni oldindan tekshiring.

Natija

Qaytarib olindi ekrani nima boʻlganini yozadi.

• Qaytarildi — qaytgan mahsulotlar va ularning holati;
• Hali mijozda — hali qaytmaganlar. "Ijara ochiq qoladi, haqi hisoblanishda davom etadi.";
• "N ta taʼmirga yuborildi" — shikastlanganlar. Ularni Taʼmir boʻlimidagi Kutmoqda ustunida topasiz;
• "Yoʻqotish uchun … hisobga qoʻshildi" — yoʻqolgan mahsulot haqi;
• zalog haqida yozuv ("Zalog … qarzga oʻtkazildi" yoki "… mijozga qaytarildi");
• Qarz qoladi — qolgan qarz boʻlsa.

Tugmalar: Ijarani koʻrish va Yangi qaytarish.

Ijaradagi hamma mahsulot qaytgach, ijara Yopilgan boʻladi. Qarz qolgan boʻlsa, u yopilgandan keyin ham koʻrinadi va toʻlov qabul qilish mumkin.