Mijozlar

Mijoz — sizdan ijaraga oladigan odam yoki tashkilot. Mijozlar roʻyxati Menyu → Mijozlar da.

Har bir qatorda mijozning ismi, telefoni va balansi koʻrinadi:

Belgi	Maʼnosi
Qarz: …	Mijoz sizga qarz
Ortiqcha: …	Mijoz ortiqcha toʻlagan
Toʻlangan	Qarz ham, ortiqcha ham yoʻq

Qatorda "N dona mijozda" — mijozda hozir nechta mahsulot borligi. Qidirish uchun Telefon yoki ism maydoniga yozing. Qarzdorlar · N tugmasi faqat qarzi borlarni koʻrsatadi.

Mijoz qoʻshish

Odatda mijoz ijaraga berish paytida telefon raqami orqali qoʻshiladi: Ijaraga berish. Uni oldindan ham qoʻshish mumkin:

1. Mijozlar sahifasida Yangi mijoz tugmasini bosing.
2. Ism familiya yoki tashkilot va telefon raqamni kiriting.
3. Xohlasangiz, Pasport (ixtiyoriy) va Izoh (ixtiyoriy) ni toʻldiring.
4. Pasport rasmi (2 tagacha) boʻlimida Rasm tugmasi bilan pasport yoki ID karta rasmini qoʻshing. Rasm turi: JPG, PNG yoki WebP, 5 MB gacha.
5. Saqlash tugmasini bosing.

Bitta telefon raqam — bitta mijoz. Agar raqam boshqa mijozga tegishli boʻlsa, "Bu raqam {ism}ga tegishli" deb koʻrsatadi.

Mijoz kartasi

Mijozni bossangiz, uning kartasi ochiladi: pasport maʼlumoti va rasmlari (bosib kattalashtirish mumkin), izoh, balans va uchta roʻyxat:

• Mijozdagi mahsulotlar — hozir mijozda nima borligi; muddati oʻtganlari qizil;
• Ijaralar tarixi — barcha ijaralar. Birini bossangiz, ijara sahifasi ochiladi;
• Toʻlovlar — mijozning toʻlovlari.

Pastdagi Shu mijozga ijaraga berish tugmasi shu mijoz bilan yangi ijara boshlaydi. Pasport rasmi yoʻq boʻlsa, Pasport rasmini biriktirish tugmasi chiqadi.

Tahrirlash — maʼlumotlarni oʻzgartirish. Oʻchirish — mijozni oʻchirish; faqat unda hali ijara tarixi boʻlmasa mumkin: "Mijozda ijara tarixi yoʻq. Bu amalni qaytarib boʻlmaydi."

Maslahat

Pasport rasmini oldindan saqlab qoʻysangiz, mijoz mahsulotni qaytarmay yoʻqolib qolgan holatda ish osonlashadi.