Kompyuterda ishlash
Kompyuterdagi ilova (panel.ijarachi.app) telefon ilovasi bilan bir xil hisob va bir xil maʼlumotlar bilan ishlaydi. U katta ekran uchun: jadvallar, yon oynalar va hisobotlar bir qarashda koʻrinadi. Telefon raqam va parol bir xil. Kirish va roʻyxatdan oʻtish ekranlari telefondagiga oʻxshash: Ishni boshlash.
Chap menyu va yuqori panel
Chap menyu: Asosiy, Ijaralar, Mijozlar, Mahsulotlar, Taʼmir, Hisobotlar, Xodimlar. Hisobotlar va Xodimlar faqat egasida koʻrinadi. Ijaralar va Taʼmir yonidagi son — faol ijaralar va taʼmir kartalari soni. Menyuni torroq qilish uchun Panelni yigʻish tugmasini bosing. Pastdagi kartada biznes nomi, Faol holati va Telefon ilovasi havolasi bor.
Yuqori panel: qidiruv qatori ("Mijoz, ijara raqami, mahsulot yoki kod…"), sana va foydalanuvchi tugmasi.
- Qidiruv. Mijoz, ijara raqami, mahsulot yoki kodni yozing: natijalar Mijoz, Ijara, Mahsulot boʻyicha guruhlanadi. Hech narsa boʻlmasa: "Hech narsa topilmadi".
- Foydalanuvchi menyusi (ismingiz yozilgan tugma):
| Qator | Nima qiladi |
|---|---|
| Profilni tahrirlash | Ism, telefon, parol va rasmingiz |
| Kompaniya maʼlumotlari | Biznes nomi, logotip, yoʻnalishlar (faqat egasi) |
| Telefon ilovasi | Telefon ilovasini ochadi |
| Til | Oʻzbekcha, Русский, English |
| Yordam | Shu qoʻllanmani yangi oynada ochadi |
| Chiqish | "Chiqasizmi?" deb soʻraydi |
Yon oynalar
Telefondagi alohida ekranlar oʻrniga kompyuterda sahifaning oʻng tomonidan yon oyna chiqadi: ijara, mijoz, mahsulot, taʼmir kartasi, ijaraga berish va qaytarish. Oyna ochilganda, orqadagi sahifa joyida qoladi. Yopish uchun oynaning ✕ belgisini yoki orqa fonni bosing. Sahifa manzili oynani eslab qoladi, shuning uchun manzilni nusxalab, hamkasbingizga yuborish mumkin.
Ijaralar
Ijaralar sahifasida barcha ijaralar jadvali bor. Uni ikki xil koʻrish mumkin: Jadval va Kanban (ustunlar: Davom etmoqda, Bugun qaytariladi, Muddati oʻtgan, Yopilgan).
- Filtr tugmalari: Hammasi, Faol, Bugun qaytariladi, Muddati oʻtgan, Yopilgan.
- Qidirish: Mijoz, telefon, raqam yoki kod.
- Qatorni bossangiz, Ijara yon oynasi ochiladi: undan toʻlov qabul qilish (Toʻlov qabul qilish), Qoʻshimcha toʻlov, muddatni oʻzgartirish (Muddatni oʻzgartirish) va Qaytarish mumkin. Barchasi telefondagi kabi ishlaydi: Toʻlovlar va qarz, Qaytarish.
Ustunlar
Jadvallarda Ustunlar tugmasi bor. Undan keraksiz ustunlarni yashirish va ustunlar tartibini sudrab oʻzgartirish mumkin ("Sudrab tartibini oʻzgartiring"). Asl holat hammasini avvalgi holatga qaytaradi. Kamida 2 ta ustun qolishi kerak.
CSV yuklash
CSV yuklash tugmasi ekrandagi qatorlarni CSV fayliga saqlaydi (Excel va Google Sheets bilan ochiladi). Faylga faqat hozir ekranda koʻrinayotgan qatorlar tushadi: kerakli filtrni oldindan tanlang. Ijaralarda "N qator CSV ga yuklandi", hisobotlarda "Hisobot CSV ga yuklandi" deb yoziladi.
Ijaraga berish
Ijaraga berish tugmasi yon oyna ochadi. Boʻlimlar telefondagi kabi: Mijoz, Mahsulotlar, Shartlar, Toʻlov. Pastdagi tugma Ijaraga berish. Batafsil qadamlar: Ijaraga berish.
Kompyuterda kamera yoʻq, shuning uchun QR yoki shtrix-kod tugmasi Nomi yoki kodi maydonini faollashtiradi. Kompyuterga shtrix-kod skaneri ulangan boʻlsa, mahsulot yorligʻini skanerlang — kod shu maydonga yoziladi. Skaner boʻlmasa, kodni qoʻlda yozing.
Qaytarish
Qaytarish ijara oynasidagi Qaytarish tugmasi bilan boshlanadi. Mahsulotlarni belgilash, Holati, Chegirma, Zalog, Toʻlov va Tasdiqlash — telefondagi bilan bir xil: Qaytarish.
Mijozlar va Mahsulotlar
Mijozlar jadvalida har bir mijozning ismi, telefoni, pasporti, faol ijaralari, mijozdagi mahsulotlar soni, balansi va oxirgi ijarasi bor. Filtr: Hammasi, Qarzdorlar. Qatorni bossangiz, mijoz kartasi yon oynada ochiladi.
Mahsulotlar jadvalida har bir mahsulot uchun Boʻsh, Ijarada, Taʼmirda, Jami va Bandlik chizigʻi, narxlar va Yoʻqotilganda summa bor. Egasi yuqoridagi Kategoriyalar va Mahsulot qoʻshish tugmalarini ishlatadi. Mahsulot oynasidagi QR yorliqlar → Chop etish yorliqlarni printerga chiqaradi. Qoidalar telefondagi bilan bir xil: Mahsulotlar.
Taʼmir doskasi
Kompyuterda Taʼmir — toʻrt ustunli doska. Kartani bir ustundan boshqasiga sudrab oʻtkazing — bosqichi oʻzgaradi. Yuqorida Jami xarajat, Ustalar (ustalar roʻyxati, faqat egasi) va Taʼmirga yuborish tugmalari.
Ayrim oʻtishlar mumkin emas: "Hisobdan chiqarilgan kartani oʻzgartirib boʻlmaydi", "Mahsulot hozir ijarada — taʼmirga qaytarib boʻlmaydi". Bosqichlar maʼnosi: Taʼmir.
Hisobotlar va Xodimlar Faqat egasi
Hisobotlar sahifasida davr tugmalari va beshta hisobot: Savdo, Toʻlanmagan, Mijozlardagi, Taʼmir, Eng koʻp ijaraga berilgan. Tanlangan hisobot jadval bilan pastda ochiladi. Mazmuni: Hisobotlar.
Xodimlar jadvali har bir xodim uchun Ijaralar (nechta ijara bergan), Qabul qilgan (qancha toʻlov olgan) va Kirish (Faol / Oʻchirilgan) ni koʻrsatadi. Xodim qoʻshish yangi xodim qoʻshadi. Qoidalar: Xodimlar va rollar.
Egasining oʻz qatorini bossangiz, "Egasi profilini telefon ilovasida tahrirlang" deb yoziladi: oʻz profilingizni yuqoridagi foydalanuvchi menyusidagi Profilni tahrirlash orqali oʻzgartiring.
Xodim uchun kompyuter
Xodim uchun chap menyuda Hisobotlar va Xodimlar yoʻq. Asosiy sahifada faqat Bugun qaytariladi va Muddati oʻtgan koʻrsatkichlari bor, tushum va qarz summalari koʻrinmaydi. Mahsulotlarda xodim Kategoriyalar va Mahsulot qoʻshish tugmalarini, taʼmirda Ustalar tugmasini koʻrmaydi.
Telefondan farqi
- Kamera yoʻq: kodlarni skaner yoki qoʻlda kiritasiz.
- Surish (qoʻngʻiroq / SMS) yoʻq: Muddati oʻtgan ijaralar jadvalida qoʻngʻiroq tugmasi bor.
- Hisobotlar va roʻyxatlarni CSV ga yuklash mumkin.
- Internet uzilsa, tepada "Internet aloqasi yoʻq" yozuvi chiqadi.